Canta e camina

Want create site? With Free visual composer you can do it easy.

Canta e camina

a piè descarsi

e libera le ale

ne l’odor del pan

fresco a matina.

 

Canta

le storie levà su da i sogni

che spampanàvimo par strada

par regalerle a i veci

sentà sora el meal de casa.

 

Canta e rancura i to ricordi

sbandonà su i prà,

su l’orlo blu de i fossi

tra i grili e le sigale

sempre in festa.

 

Canta

e cusissi i refoli de vento

tamisà su le saraie,

su i spinicristi bati

da i giavaschi incuciatà

su le memorie.

 

E dopo averte resentado i oci

drento i tramonti,

dopo ver beù

seci de luna,

gìrate e meti le to man

drento le mie.

 

Chi sa se sarò bon

de regalarte ancora

un sgrisolon de caldo,

na s-ginsa

a fil de vita.

Did you find apk for android? You can find new Free Android Games and apps.