De cossa mai

Want create site? With Free visual composer you can do it easy.

No so de cossa mai
te t’avi inamorà…

belo no son mai stà…
e gnanca un pien de schei…

de cossa mai te gheto
inamorà

me lo domando
ancora…

forsi, e lo spero,
del me cantar ramengo
come un vilan ne i campi,

de le parole che te confondea
e le serviva a ricamar
el to silensio gonfio de ilusion…

o forsi del calor
de la me pel,
quando nel fredo
te me metei le man
par soto la camisa…

o de quel gropo
che me ingossava, quando
no sera bon
de dirte gnanca grassie…

o, forsi de quel scuro
che ne gavea incambrà
in un dì de lujo
e che lassava poco spassio
a sgrìsoli de sol…

forsi…
e no l’ò mai capìo…
e adesso no so più
a ci domandarlo.

Did you find apk for android? You can find new Free Android Games and apps.