DESSO GH’È I MERLI (El scagnel de la memoria) – PUBBLICATA –

No pianze più le rane
a l’orisonte blu de i campi,
no siòla più le canevère
sul slagatar de i resti de la fossa.

Desso gh’è i merli
neri come preti de campagna
che vien a rancurar le fregole
e i tochi de pan vecio
par soto la finestra.

I à sassinado el verde
da par tuto
no gh’è più mus-cio
sora i piè de i argini
e l’aqua gà el color
de ortighe seche.

Desso gh’è i merli
che no i gà paura
a farse bei par soto le finestre