El gnaro

Ne le to man

fruà da la corona,

vorìa, pa ‘n giorno, almanco,

farme el graro…

 

ne l’ombra de i ricordi

che imbruma la to fronte,

ne le to rechie che pisoca

ne’l bombaso de’l silenzio,

vorìa far el me graro…

 

ne’l pan che te spartissi,

ne’l segno de la croce

che fa santa la polenta,

ne le to mane smorsegàde

da l’altrite,

vorìa far el me graro…

 

par impissarte sginze

drento i oci…

come da bocia

cò me ransignava,

mama,

ne’l gnaro de i to brassi…