El monte a Roverè

Want create site? With Free visual composer you can do it easy.

El monte a Roverè

l’è un maion de lana,

laorado a feri grossi

su la paura antica de la neve

davanti al caldo del camin

nel profumar de le castagne

 

el monte a Roverè

l’è un aquarel robado

a sogni de colori custodidi

nel slusegar de more

tra le stale al Sengio

 

el monte a Roverè

el gà la testa

in tuto un sbalesar de stele

che se rincore e sbrissia

su pissi e su veludi

fati a man

da fade inamorà

 

el monte a Roverè

l’è un respirar de luna

che a note se improfuma

drento a i boschi

e a l’alba el se resenta

drento le pósse ciare

ancora indormensà

 

El  monte a Roverè

l’è tacà via a i tramonti

co i gomissiei de canti

e col soriso de le resteline

che à incolorìo par secoli

de verde tuti i sogni.

Did you find apk for android? You can find new Free Android Games and apps.