Da bocia i me ciamava ” Lampo Pucia “,

nome da can, catà sora el luame;

e, come un can bastardo e senza cucia,

gavia par compagnia miseria e fame.

 

No me restava, col passar de i ani,

che ramengar par drento le ostarie;

adesso che son vecio e che i malani

m’à rosegà servel e fantasie,

 

beo tuti i dì la me disperassion.

Beo la salute, perchè drento el vin

– come un magneto – gò catà el paron

e nei bicieri passa el me destin.