Omeni soli

Want create site? With Free visual composer you can do it easy.

Col sguardo che se imberla

tra tramonti persi

e vele ripiegade

su i discorsi e el tempo,

i va questuando compagnie,

i omeni soli.

 

Senza più storie

da contar o da inventarse

i lima la memoria che la scava

-tupinara ingorda-

muciando sassi e cùgoli

tra le scarpìe de i oci.

 

I omeni soli, mane de fumo

ne le scarsele

e lune de scaiola

su i rimpianti,

i manda i desideri a rugolarse

da la pontara de l’età.

 

Davanti i cata

strade massa grande,

de drio i se lassa

case sempre frede

e leti da far su.

Did you find apk for android? You can find new Free Android Games and apps.