E sarò lì a sponsarme

Want create site? With Free visual composer you can do it easy.

E sarò lì a sponsarme

postado al tronco

de la piopa granda

a tirar ben le rece par scoltar

ancora

el ritmo del martel

sul banco da scarpar del Bepo

 

fin che Virgilio

e i altri marangoni

no i me farà vegnèr

i sparapàlpiti

piciando sora le asse

o col s-ciocar del fogo

intorno a i feri de le rue

a i careti.

 

E spetarò Cagnon

che no’l scarmenarà

la pòlvare de i sogni

par le barufe co la Melia

o i tonfi de la piera

drento del posso a note.

 

Par questo tornarò

a postarme e anca a sponsarme

arente al tronco

de la piopa granda

par tirar su el me talingon

nel vento de la val.

 

Cossì risentirò

l’odor de la me tera

e el canto dei mestieri

che dava el gusto giusto

a un vìvar de serenità.

Did you find apk for android? You can find new Free Android Games and apps.