Credo d’aver butà distante el ciel

lassandolo secar su i pianti muti.

Credo d’aver nibià i oci a le aurore

inverinandoli co i diei de crea.

Par questo, forsi, i sogni i gà el calivo

e i pra no i spande le somense al vento…

me digo che oramai no g’è più lune

su i calendari impolvarà dal tempo…

credo de aver rassado le memorie

e perso le parole de speransa

che sul quaderno nero a righe grandi

scrivea ogni dì par pò tegnerle a mente.