Tag Archivio per: La se piegava

La se piegava a la caressa

del vento bonorino

l’erba

de quel dopodisnà.

 

La se cuciava al caldo

del to corpo

che l’incendiava desideri

sora el sen de un argine

smemoriado de paure.

 

E a l’improviso,

nel sol che petenava i rami

de i morari

zugando a la veceta

con le surle,

l’erba lè deventà de lana

e l’à tegnudo al caldo

i sgrisoloni che ne impeldocava

a fil de vita.