Tag Archivio per: Prova

Prova a scoltarme se anca no te parlo,

senti le man che te caressa, quando

te son distante e non son bon de farlo…

prova a capir el me silensio grando

 

che ‘l parla da lu solo e drento in gola

se ingossa i me ricordi e i desideri.

Te vedarè, te sarè manco sola.

Ma no sta a dir che questi i è pensieri

 

che te regalo quando gò bisogno!

parchè mi, sensa ti, son come un ciel

che no gà più orizonti, come un sogno

che el nasse e el mor fà s-ginsa de brugnel…

 

Struca la man che mi te do de sfroso,

rancura i sguardi sbrissià de scondon:

te voi più ben de quando era moroso

ma a dirlo forte, ormai, non son più bon…