… e more Cristo

… e more Cristo
sora el palo de la luce
sensa spetar
el vènardi de Pasqua…

e more Cristo
in sima a l’autostrada
sora na croce
disegnà co’l gesso…

tra el ciasso de le presse,
in mezo ai denti
de le betomiere
se consuna Cristo,
sfarinando l’ostia…

Sora la croce che spalanda i brassi
nudi
in coste a un sole carolà
va a colegarse
Cristi novi…
ma i ciodi
che s’incambra su ‘l tolon
no i fà nàssar vangeli
e gnanca ciese…