Le ombre che le ingasa
Le ombre che le ingasa
la me storia
no le se sveia par tornar
indrìo con i ricordi.
La voia de desmentegar
pagine bise
e luti de fameia
l’à rosegà la me memoria.
E mi, qua solo,
butà su sabionaro
de busie
vedo che l’orizonte
a le me spale
el se fa più curto:
giorni e ricordi
fati su co un gnente
e scanceladi da un struson,
in un s-ciantiso,
sora l’asfalto de do curve
lustre dal vento.
