,

Lucia

Want create site? With Free visual composer you can do it easy.

T’eri zà morta prima, ti, Lucia…

prima che el gas

el te robesse l’ultima matina.

 

T’eri zà morta prima, a San Bastian,

sora la mufa del seciar,

tra i brassi de to pare

e le so braghe sbotonà.

 

Scapà

da la to casa inebetìa,

t’è maledì la vita

par non dover morir…

 

Ma drento i oci, ‘ndò s’avea negà

lune d’agosto,

s’à scancelà el ricordo de i sorisi

e sora el fosso de i to zughi

no s’à più alzà l’arcobalen.

 

T’eri zà morta prima.

 

Adesso na bruscà de speranzine

l’à colegà el so vel su la to tomba

e quela de to pare

che l’à vossù starte vissin, par sempre.

 

Ma, sta volta, in pace.

Did you find apk for android? You can find new Free Android Games and apps.