Quando

Want create site? With Free visual composer you can do it easy.

Quando, sveià dal sono

in do’ se gà mufìo

i to silensi,

me tornarà el ricordo

del to corpo

dorà dal lujo

che se spandea su i argini

inebetìi de sol

 

quando el fassol de luna

che avévimo disteso

tra le perteghe de i sogni

no’l servirà a sugar

lagrime e pianto

 

alora, solo alora,

el canto nostro

el se liberarà

drento el profumo garbo

de un autuno

ritrovà par caso

 

prima che casca zò

la prima neve.

Did you find apk for android? You can find new Free Android Games and apps.