I to oci

I to oci da poeia se spalancava

a l’improviso, ne l’ombrìa

de i me pensieri.

 

Ti te cantavi

e el canto, come el vento

a primavera,

fasea stormir i piopi

e i desideri pena nati.

 

Noaltri du

co i piè in orin

del fosso,

brusàimo el tempo a tamisar

i sogni,

ma le girlande de parole,

che se intreciava de continuo,

le se malvava

sempre in pressia.

 

Restava vivo el canto,

el tuo,

a spalancar le pagine mai verte

al ciaro grando de un arcobalen

che ne nassea darente,

tuti i giorni.