Disiset’ani

e quasi tuti

passà in casa de i altri

a far mestieri.

 

Disiset’ani

e mai nessun

che te vardesse

come ti te speravi.

 

E a l’improviso,

drio na saraia

incandida da l’istà

e inverinà da strupaculi,

te te ghè vista

incornisà da i desideri

mei.

 

E te t‘è incorta

che el to sen

l’era un cristal de luna

e la to pel

un fior de porcelana

trasparente.

 

I oci i te s’à fato

ancora piassè grandi

e l’erba s’à cucià

tènera e calda

al nostro peso.